Comision Vision Pedagogico ta forma parti di e programa di maneho di Sociaal Crisis Plan y tin e meta principal pa traha ariba e consientisacion preventivo pa asina educa e comunidad di Aruba ariba e rol importante cu tur adulto, mayor y educador tin ora ta trata di lantamento di mucha. E mision di e Comision aki ta pa duna e sosten y ayudo na tur mayor y educador na Aruba pa hunto logra un Aruba cu famianan sano. E pensamento tras di esaki ta cu un famia sano ta crea un comunidad sano!

E vision di Comision Vision Pedagogico:

Cu na Aruba nos tur hunto ta percura pa e mucha(nan) por crece den un ambiente pedagogico optimal, den un famia afectivo y sigur y den un bario cu ta tene cuenta cu e mucha. Pa medio di educacion positivo (sostene, stimula y gui’e) e mayor ta guia su yiu mas miho posibel den su desaroyo pa bira un adulto. 

Hopi importante ta cu e mucha ta sinti siguridad emocional, ta desaroya su habilidadnan social y personal, ta haya chens pa siña norma y balor y ta hunga un rol activo den un comunidad multicultural. E forma cu e comision kier logra e visión aki ta dor di conscientisa cada famia den nos comunidad e 6 puntonan basico aki:

  1. Lanta bo yiu den un ambiente sigur y cu amor
  2. Brinda bo yiu un apoyo positivo, guia y pasa tempo di calidad hunto cu ne
  3. Sea realistico di locual bo ta spera di bo yiu, si esaki ta segun su edad
  4. Brinda bo yiu un disciplina positivo door di sostene, stimul’e y gui’e
  5. Cuida bo mes como mayor di stress
  6. Si tin mester busca sosten y ayudo cerca instancianan.

Comision Vision Pedagogico ta consisti di diferente organisacion e.o.: Tienda di Educacion, Fundacion pa Nos Muchanan,Fundacion RespetaMi, Stichting Wit Gele Kruis, Bureau Slatofferhulp (KPA),  Departamento di Asunto Social y Comision Derechonan di Mucha, cu den e crisis aki a keda traha diariamente cu famianan y ta brinda e sosten y ayudo pa logra esaki. 

Tienda di Educacion

Un fundacion cu ta dedica na duna conseho of sosten den educacion, desaroyo y cuido di mucha y hoben te cu 18 aña. Den e crisis aki Tienda di Educacion ta reconoce e preocupacionnan cu por eherce den famia y ta keda brinda e conseho y sosten na tur cuidado di mucha.

Telefon: 161 
Email: info@tdearuba.com 
Website: www.tdearuba.com
Facebook: https://www.facebook.com/Tienda-di-Educacion/

Fundacion Pa Nos Muchanan

Fundacion Pa Nos Muchanan ta capacita mayor y educadornan, pa logra efectua un desaroyo optimal di muchanan di 0 pa 12 aña na Aruba, basa riba derechonan di mucha. Den e crisis aki Fundacion pa nos Muchanan ta duna primordialmente informacion y conseho na mayornan pa asina por continua cu e bon educacion na cas.

Telefon: 588-0856 / 583-4247
Email: info@fpnm.aw 
Website: www.fpnm.aw
Facebook: https://www.facebook.com/FundacionPaNosMuchanan1/

Fundacion Respeta Mi

Fundacion Respeta Mi ta ofrece presentacionnan, charlanan, informacion y conseho riba siguridad di un mucha. Nan ta para pa #SafeChildhoods den prevencion di abuso di mucha, abuso sexual y negligencia. Den e crisis aki Fundacion Respeta Mi ta keda educa e comunidad riba  conscientisacion y prevencion di abuso di mucha y hoben.

Email: respetami@setarnet.aw of fundacion.respeta.mi@gmail.com
Facebook: https://www.facebook.com/RespetaMi/

Wit Gele Kruis

Wit Gele Kruis ta un Fundacion cu ta traha pa e comunidad di Aruba riba e tereno di cuido extramural y su meta principal ta pa promove, activa y optimalisa cuido di salud den e comunidad arubano.

Whatsapp: 594-8439  pa Dakota, O.stand y Noord.
Whatsapp: 594-8437  pa St.Cruz y San Nicolas.
Facebook: https://www.facebook.com/Wit-Gele-Kruis-Aruba-147505051958463/

KPA / Bureau Slachtofferhulp

Bureau Slachtofferhulp (BSH) ta un departamento di polis cu ta atende cu tur casonan di emergencia y crisis. Por yama pa conseho of ayudo ora tin sospecho of ta experiencia casonan di negligencia, violencia domestico, abuso, problema cu salud mental, intento di suicidio y problema cu adiccion.

Telefon: 527-3171
Pa emergencia yama 100

Departamento di Asunto Social (DAS)

Informacion di contacto:

Pa informacion general: 528-1100
Pa departamento pa conseho di Bida y Famia: 528-1150
Website: www.das.aw
Facebook: https://www.facebook.com/DepartamentodiAsuntoSocial/ 
Adres: Caya Mario E. Harms 11, Oranjestad Aruba

Comision Derechonan di Mucha

Pa contacto of informacion: http://derechodimucha.org/contacto/ 

Website: http://derechodimucha.org/