Ayudo cu casonan di Violencia y Abuso

Durante e momentonan dificil aki, caminda cu por tin aumento di stress, y na unda no ta sigur kico e futuro lo trece, problemanan social tin e tendencia di aumenta. 

Estudionan ta mustra cu esaki por hunga un rol den aumento den casonan di abuso, falta di alimento, ansiedad, stress y otro problemanan di salud mental. Tuma contacto cu un instancia si bo mester di conseho of ayudo cu casonan di violencia of abuso.

Bo siguridad y bienestar ta sumamente importante. Si bo no ta sinti bo sigur of bo ta sinti bo mes den peliger inmediato, por fabor tuma contacto cu Polis directamente y yama 100

BUREAU SOSTENEMI
Bureau Sostenemi ta un instancia cu por duna bo conseho y por yuda den casonan di violencia, abuso of negligencia di un menor. Por tuma contacto cu Bureau Sostenemi pa haya ayudo of conseho si bo ta sospecha caso di abuso of negligencia di menor.
 
Telefon: 588-1010 entre 7.30am te cu 4.30pm
Email: sostenemi@aruba.gov.aw 
Website:   http://sostenemi.org.aw 
Adres:  Tanki Flip 53-A, Oranjestad Aruba

FUNDACION PA HENDE MUHE DEN DIFICULTAD (FHMD)

Fundacion Hende Muhe den Dificultad  ta un organisacion cu ta yuda un famia cu ta den situacion di violencia domestico. Tuma contacto si bo ta sinti cu bo ta victima di cualkier tipo di violencia.

Telefon: 583-5400
Whatsapp: 567-1670
Email: fundhendemuheaua@setarnet.aw 
Website: http://www.fhmd.aw 
Facebook: https://www.facebook.com/pg/FHMDaruba/
Adres: Primavera 1-B, Oranjestad, Aruba